احرام سے نکلنے کے لیے محرم /محرمہ کا اپنے سر کے بال خود کاٹنا/مونڈنا جائز ہے

سوال

عمرہ کے بعد عورت اپنے بال خود کاٹ سکتی ہے ؟

جواب

واضح رہے کہ حج و عمرہ کے ارکان سے فارغ ہونے کے بعد، احرام سے نکلنے کے لیے (مرد اور عورت) خود بھی اپنے بال کاٹ سكتے اور مونڈ سکتے ہیں ،  اور کسی دوسرے احرام والے   جس کے ارکان مکمل ہوچکے ہوں  سے بھی   بال کٹوائے  اور منڈوائے  جا سکتے ہیں، اس میں کوئی حرج نہیں ہے۔

لباب المناسک میں ہے:

“(واذا حلق ) أي المحرم  (راسه) اي راس نفسه (او راس غيره) أي ولو كان محرما (عند جواز التحلل) أي الخروج من الاحرام باداء افعال النسك ( لم يلزمه شيئ)”.

(باب مناسک منی، فصل فی الحلق و التقصیر، ص:324، ط:مكتبه امداديه)

فقط والله اعلم

---

---