سوال

امام ابوحنیفہ رحمہ اللہ کے نزدیک  تہجد کی کل رکعتیں کتنی ہیں ؟

جواب

واضح رہے کہ تہجد کی کم از کم دو رکعات ہیں اور زیادہ سے زیادہ  بارہ رکعات ہیں،اور حضور اکرم  ﷺ   سےمختلف      رکعات کی تعداد میں  تہجد پڑھناثابت ہے ،البتہ زیادہ ترآپ ﷺ  سے  آٹھ رکعات   تہجد پڑھنا ثابت ہے، اسی وجہ سےفقہائے احناف کے نزدیک    تہجد کی آٹھ رکعات پر مواظبت  اور مداومت مستحب ہے۔

فتاوی شامی میں  ہے:

“وصلاة اللیل وأقلها…‘‘

وتحته في الشامیة: قال: یصلي ما سهل علیه، ولو رکعتین، والسنة فیها ثمان رکعات بأربع تسلیمات.”

(کتاب الصلاة، باب الوتر والنوافل، مطلب في صلاة اللیل/2/25/ ط سعید ) 

فقط والله أعلم