سوال

 شوہرنےبیوی سےمسلسل كہا تجھےطلاق ہےطلاق ہےطلاق ہے۔ تو یہ  كون سی طلاق ہے،رجعی، بائن، مغلظ؟

جواب

صورت مسئولہ میں شوہرکے بیوی کویہ الفاظ :  ’’تجھےطلاق ہےطلاق ہےطلاق ہے‘‘ کہنے سےتین طلاقیں واقع ہوگئی ہیں اور بیوی شوہر پر حرمت مغلظہ سے حرام ہوئی ہے اب رجوع جائز نہیں اور دوبارہ نکاح بھی نہیں ہوسکتا ، مطلقہ  عدت گزارنے کے دوسری جگہ نکاح کرنے میں آزاد ہوتی ہے۔پہلے شوہر سے رجوع اور تجدید نکاح کی گنجائش نہیں ہوتی۔

ہندیہ میں ہے:

“وإن كان الطلاق ثلاثًا في الحرة وثنتين في الأمة لم تحل له حتى تنكح زوجًا غيره نكاحًا صحيحًا ويدخل بها ثم يطلقها أو يموت عنها، كذا في الهداية”.

(الفتاوی الهندیة، ج:3، ص: 473، ط: ماجدية)

فقط والله أعلم