خواب یاد ہے لیکن کپڑوں پر تری نہیں تو غسل کا حکم

سوال

مجھے خواب میں ہمبستری کی کیفیت محسوس ہوتی ہے بغیر کچھ کیے،یہاں تک کہ اس کا اختتام بھی ہوتا ہے،لیکن جب اٹھ کر دیکھتی ہوں تو کپڑوں پر کوئی نشان نہیں ہوتا،کیا غسل کرنا چاہیے؟مجھے خواب یاد ہوتا ہے۔

جواب

اگر بیدار ہونے کے بعد کپڑوں پر تری وغیرہ کے  نشان نہیں تو خواب یاد ہونے کے باوجود غسل لازم نہیں ہوگا۔

فتاوی ہندیہ میں ہے:

“ولو تذكر الاحتلام ولذة الإنزال ولم ير بللا لا يجب عليه الغسل والمرأة كذلك في ظاهر الرواية؛ لأن خروج منيها إلى فرجها الخارج شرط لوجوب الغسل عليها وعليه الفتوى. هكذا في معراج الدراية.”

(کتاب الطہارۃ،ج1،ص15،ط؛دار الفکر)

فقط واللہ اعلم

---

---