نمازِ جنازہ کے فرائض

سوال

نمازِ جنازہ کے فرائض کیا ہیں؟

جواب

نماز جنازہ کے دو فرائض ہیں:

پہلا فرض: چار مرتبہ اللہ اکبر کہنا، 

دوسرا فرض: قیام یعنی کھڑے ہو کر نماز جنازہ پڑھنا، جس طرح فرض واجب نمازوں میں قیام فرض ہے ،بغیر عذر کے اس کا ترک جائز نہیں۔

فتاویٰ شامی میں ہے:

“(وركنها) شيئان (التكبيرات) الأربع، فالأولى ركن أيضاً لا شرط، فلذا لم يجز بناء أخرى عليها (والقيام) فلم تجز قاعدا بلا عذر.”

(کتاب الصلاۃ، باب صلاۃ الجنازۃ، جلد:2، صفحہ: 209، طبع: سعید)

فقط واللہ اعلم

---

---