تین چیزوں کو رد نہ کیا جائے والی حدیث کی تحقیق

سوال

 آپ صلی اللہ علیہ وسلم نے تین چیزیں ٹھکرانے سے منع فرمایا ہے ١- دودھ ٢- خوشبو ٣- تکیہ۔

جواب

صورتِ مسئولہ میں ذکرکردہ روایت حدیث کی مختلف مستند  کتابوں میں موجود ہے، لہٰذا اس کو بیان کرنا/ نقل کرنا درست ہے، سنن ترمذی میں مذکورہ روایت ان الفاظ کے ساتھ ہے:

سننِ ترمذی میں ہے:

“عن ابن عمر، قال: قال رسول الله صلى الله عليه وسلم: ثلاث لا ترد: الوسائد، والدهن، واللبن الدهن: يعني به الطيب .”

(أبواب الأدب ، باب ماجاء في كراهية ردالطيب ج : 4 ص : 405 ط : دارالغرب الإسلامي )

ترجمہ : عبداللہ بن عمر بیان کرتے ہیں کہ رسول اللہ صلی اللہ علیہ وسلم نے فرمایا: ’’تین چیزوں کو واپس نہ کیا جائے:  تکیہ،  تیل اور دودھ ۔
امام ترمذیؒ فرماتے ہیں، کہ تیل سے مراد “خوشبو”ہے۔ 

فقط واللہ اعلم

---

---