جانور کو تڑپتی ہوئی حالت میں مارنے کا حکم

سوال

اگر کوئی  جانور یا   حشرات الارض   زخمی حالت  میں  ہو اور درد سے تڑپ رہاہوتو ،  کیا اس کو مار سکتے ہیں تا کہ وہ اس تکلیف سے نجات پائے ؟

جواب

واضح رہے کہ  بلاوجہ   کسی  جانور کو  مارنا شرعًا  ممنوع ہے، لیکن اگر کوئی  جانور ايسی تكليف ميں ہو كہ جس ميں اس كا زنده بچنا ممكن نہ ہو تو   ایسے جانور کو مارا جا سکتا ہے۔

لہذا   صورتِ مسئولہ میں واقعتاً   اگر کوئی جانور    تکلیف میں ہو تو اُسے راحت دینے کی غرض سے مارا   جا سکتا ہے،   البتہ مارنے میں  یہ ملحوظ رہے کہ کسی ایسی چیز سے مارا جائے جس سے اس کی جان جلدی سے نکل جائے  ، تاكہ اس کو  زیادہ اذیت نہ ہو۔

فتاوى  ہنديہ میں ہے:

“وكذا ‌الحمار ‌إذا ‌مرض ولا ينتفع به فلا بأس بأن يذبح فيستراح منه كذا في الفتاوى العتابية.”

(كتاب الكراهية، الباب الحادي والعشرون فيما يسع من جراحات بني آدم والحيوانات، ج:5، ص:361، ط:رشیدیة)

فقط والله أعلم

---

---