دو سال علیحدگی کی صورت میں طلاق کا حکم

سوال

میری بیوی اور میرے درمیان علیحدگی  کو دو سال ہو گئے ہیں، میں طلاق بھی نہیں دی  نہ خلع  دی ہے، لیکن میرے سسرال  والوں کا ماننا یہ ہے کہ  علیحدگی کو دو سال ہو جانے کی وجہ سے طلاق واقع ہو چکی ہے کیا شرعی  طور پر میری بیوی کو طلاق واقع ہو چکی ہے یا وہ بدستور میراےنکاح میں ہے؟

جواب

سائل  نے اپنی بیوی کے لیے  نہ طلاق کے الفاظ استعمال  کیے ہیں اور نہ ہی دونوں کے درمیان خلع کا کوئی معاملہ ہوا ہے  تو اتنا عرصہ ایک دوسرے سے  دور رہنے کی وجہ سے  از خود کوئی طلاق واقع نہیں ہوئی  اور نہ نکاح پر کوئی اثر پڑا ہے، دونوں کا نکاح بدستور قائم ہے  ۔ 

فتاوی شامی میں ہے:

“قوله وركنه لفظ مخصوص) هو ما جعل دلالة على معنى الطلاق من صريح أو كناية فخرج الفسوخ على ما مر، وأراد اللفظ ولو حكما ليدخل الكتابة المستبينة وإشارة الأخرس والإشارة إلى العدد بالأصابع في قوله أنت طالق هكذا كما سيأتي.”

(كتاب الطلاق،ركن الطلاق،ص:230،ج:3،ط:سعيد)

فقط واللہ اعلم

---

---