طلاق کے بعد عدت کی مدت

سوال

طلاق کے بعد عورت کی عدت کتنی ہوتی ہے؟

جواب

      نکاح کے بعد رخصتی یا خلوتِ صحیحہ ہوچکی ہو تو طلاق کے بعد عدت مکمل تین ماہواریاں گزرنا ہے، بشرط یہ کہ عدت گزارنے والی خاتون امید سے نہ ہو، اگر وہ امید سے ہے تو اس کی عدت وضع حمل (بچے کی پیدائش تک) ہوگی۔ اگر نکاح کے بعد رخصتی یا خلوتِ صحیحہ نہ ہوئی ہو تو طلاق کے بعد عدت نہیں ہے۔

تحفة الفقہاء میں ہے:

“وأما عدة الطلاق فثلاثة قروء في حق ذوات الأقراء إذا كانت حرة …..وأما في حق الحامل فعدتها وضع الحمل لا خلاف في المطلقة لظاهر قوله: {وأولات الأحمال أجلهن أن يضعن حملهن }.”

(كتاب الطلاق، باب العدة ،2/ 244، 245،،ط. دار الكتب العلمية )

فقط واللہ اعلم 

---

---