غیرقانونی طور پر دوسرے ممالک کا سفر کرنا

سوال

کچھ لوگ غیر قانونی  طور پر یورپ جانا چاہتے ہیں؛  تاکہ وہاں کام کریں ،اور نیشنیلٹی چاہتے ہیں، شریعت اس کے بارے میں کیا کہتی ہے ؟

جواب

بیرونِ ملک جانے کے لیے غیر  قانونی طریقے اختیار کرنا  (خواہ کسی بھی مقصد کے لیے اختیار کیے جائیں)  قانوناً جرم ہے، اور اپنی جان اور عزت خطرے میں ڈالنا ہے، جس کی شرعًا اجازت نہیں، اور  نیشنیلٹی لینا اس صورت میں جائز ہو گا  جب  کہ  درخواست  میں  شریعت کے خلاف  ہوئی  بات یا معاہدہ کرنا نہ  پڑے یا جھوٹ بولنا نہ پڑے۔

سنن ترمذی میں ہے :

“عن حذيفة رضی اللہ عنہ قال : قال رسول الله صلى الله عليه و سلم: لاينبغي للمؤمن أن يذل نفسه قالوا: و كيف يذل نفسه؟ قال: يتعرض من البلاء لما لايطيق.”

(ج:4،ص:522،ط:داراحیاء التراث العربی)

فقط واللہ اعلم

---

---