شرعی سوال و جواب
مشہور قول "دنیا میں کامل انسان وہی ہے، جس میں چار چیزیں ہوں: دیانت، رذائل سے بچاؤ، اور وقار و سکینت" کی تحقیق
مشہور قول “دنیا میں کامل انسان وہی ہے، جس میں چار چیزیں ہوں: دیانت، رذائل سے بچاؤ، اور وقار و سکینت” کی تحقیق
سوال
کیا یہ امام شافعی رحمہ اللہ کا قول ہے کہ :
“دنیا میں کامل انسان وہی ہے، جس میں چار چیزیں ہوں: دیانت، رذائل سے بچاؤ، اور وقار و سکینت”۔
راہ نمائی فرمائیں!
جواب
مذکورہ بالا قول امام محمد بن ادریس شافعیؒ سےہی منقول ہے،اور مختلف اہل علم محققین و محدثین نے امام شافعیؒ کی طرف یہ قول منسوب کرکے نقل فرمایا ہے۔
امام ابوبکر احمد بن حسین بیہقیؒ اپنی کتاب ” مناقب الشافعی” میں رقم فرماتے ہیں:
“أخبرنا محمد بن الحسين قال: سمعت ناصر بن محمد يقول: سمعت أبا عبد الله: محمد بن عبد الله بن سعيد بن سليمان الجوهري، المعروف بالأندلسي، يقول: سمعت البويطي يقول:سمعت الشافعي يقول: لا يكمل الرجل في الدنيا إلا بأربع: بالديانة، والأمانة، والصيانة، والرزانة.”
( باب مايستدل به على تمكن الشافعي، رحمه الله، من عقله، وما يؤثر عنه في الآداب، ج:2، ص:189، ط:مكتبة دارالتراث)
امام ابو القاسم الرافعی القزوینیؒ اپنی کتاب “شرح مسند الشافعیؒ” میں نقل فرماتے ہیں:
“وعنه(الشافعيؒ): لا يكمل الرجل إلا بأربع: بالديانة والأمانة والصيانة والرزانة.”
(الباب الأول، المبحث الأول “التعريف بالإمام الشافعي”، ج:1، ص:20، ط:ادارة الشؤن الإسلامية)
مشہور و معروف شافعی محقق و محدث امام ابوزکریامحیی الدین بن شرف النوویؒ نےبھی اپنی کتاب “المجموع شرح المہذب” میں امام شافعیؒ کے حالات زندگی بیان کرتے ہوئے یہ قول اُن کی طرف منسوب کیا ہے:
“وقال(الشافعيؒ) لا يكمل الرجال في الدنيا إلا بأربع بالديانة والأمانة والصيانة والرزانة.”
(مقدمة، فصل في تلخيص جملة من حال الشافعي رضي الله عنه، ج:1،ص:13، ط:ادارة الطباعة المنيرة)
فقط والله تعالى اعلم
دارالافتاء :
جامعہ علوم اسلامیہ علامہ محمد یوسف بنوری ٹاؤن
علوم و فنون
عباراتِ اکابر
2025-09-27 16:28:22
یہ اصل سوال اور اس کا متعلقہ جواب ہے۔ جواب میں درج ماخذ، حوالہ اور شرائط ملحوظ رکھیں۔ کسی نئے یا مختلف معاملے کے لیے دارالافتاء سے رجوع کریں۔