جس کمپنی کے شیئرز خریدے اس کے معاملات غیر شرعی ہوگئے تو کیا کریں؟

سوال

میں  نے اسٹاک ایکسچینج میں کسی کمپنی کے شیرز خریدے تھے اور اب وہ کمپنی شرعی کمپنی نہیں رہی۔ ابھی میں گھا ٹے میں ہوں تو کیا ابھی بیچنا ضروری ہے یا میں انتظار کر سکتا ہوں؟دوسرا یہ کہ کوئی  کفارہ بھی دینا پڑےگا کہ نہیں؟

جواب

صورتِ مسئولہ میں اگر مذکورہ کمپنی شرعی کمپنی نہیں رہی تو  سائل کو چاہیے کہ اس کو جتنی جلدی ہو سکے فروخت کر کے اصل رقم حاصل کر لے، اس پر نفع نہ لے، اور اس پر کوئی کفارہ نہیں،  بلکہ توبہ استغفار کرے۔فقط واللہ اعلم

---

---